në kuadër të projektit “Fuqizimi i këshillave komunalë”, më datë 14 Qërshor (e mërkurë), në hotelin “ARKA” në Shkup, do të mbahet Puntoria për përgatitjen e Studimit komparativ për rolin e këshillave komunale.
Qëllimi i ngjarjes është që të sigurohet një forum për palët e interesuara relevante të bisedojnë për projekt-studimin e përgatitur nga ekspertë ndërkombëtar, dhe t’ju mundësojë që t’i shprehin përvojat e tyre, të bisedojnë për sfidat kryesore dhe t’i ndajnë idetë e veta për përmirësimin e rolit dhe kompetencave të këshillave komunale në shtetin tonë, me qëllim që të njëjtit të përdoren në përgatitjen e versionit përfundimtar të Studimit krahasues për rolin e këshillave komunale.
Punëtoria, gjithashtu, do t’ju mundësojë pjesëmarrësve të njoftohen me përvojat e shteteve të tjera anëtare të Bashkimit Evropian, vendeve të rajonit më të gjerë të Evropës Juglindore, si dhe vendeve fqinje në lidhje me kornizat dhe praktikat e tyre institucionale lidhur me rolin dhe kompetencat e këshillave komunale.
Së fundi, qëllimi i kësaj punëtorie është të kontribuojë në forcimin e lidhjeve dhe të bashkëpunimit ndërmjet autoriteteve kombëtare dhe lokale, organizatave joqeveritare dhe institucioneve të tjera relevante në zgjidhjen e çështjeve lidhur me statusin e këshillave komunale.
