Si zhvillohet procesi i buxhetimit komunal? Trajnim për këshilltarët komunalë nga Vallandova dhe Strumica

Sot dhe nesër në Strumicë vazhdon zbatimi i Programit për zhvillimin e kapaciteteve të këshilltarëve komunalë nga komunat e Vallandovës dhe Strumicës. Trajnimi që do të zhvillohet për këshilltarët e këtyre komunave do të jetë me temë “Procesi i buxhetimit në vetëqeverisjen lokale” dhe në javët e ardhshme do të zhvillohet edhe për këshilltarë e komunave të Sveti Nikoles, Velesit, Çairit dhe Ohrit.

Përveç kësaj, programi përfshin trajnime mbi tema të tjera të menaxhimit financiar publik, planifikimit hapësinor dhe urban, si dhe temat që lidhen me bashkëpunimin ndër-komunal  dhe barazinë gjinore në nivel lokal.

6_3

Programi ka për qëllim të forcojë rolin e këshilltarëve komunalë në demokracinë lokale nëpërmjet trajnimeve në lidhje me gjithsej 11 tema që dalin nga kompetencat e tyre ligjore.

Trajnimet janë pjesë e Projektit të Agjencisë Zvicerane për Zhvillim dhe Bashkëpunim “Fuqizimi i këshillave komunalë”, me një vlerë totale prej 3.4 milionë franga zvicerane, që e zbaton Programi për Zhvillim i Kombeve të Bashkuara (UNDP) në bashkëpunim me partnerë kombëtarë dhe lokalë.

Në dy vitet e ardhshme, ky projekt do të përfshijë 18 komuna shtesë që do të përzgjidhen përmes thirrjeve publike.

Përveç trajnimit të këshilltarëve, gjithsej 1.2 milion franga zvicerane janë rezervuar për grante të vogla për zbatimin e iniciativave prioritare në të gjitha 24 komunat që do të marrin pjesë në projekt.