Претставена Швајцарската програма за соработка со Северна Македонија во периодот 2021 – 2024

15 Apr 2021

Уште од 1992 година, Швајцарија ја поддржува Северна Македонија во политичкиот, општествениот и економскиот развој.

Преку многубројните проекти и програми, меѓу кои и онаа за зајакнување на општинските совети, Швајцарија придонесува кон подобрување на квалитетот на животот на граѓаните на нашата држава, зајакнување на демократските институции и пракси, промовирање на инклузивен економски раст, како и заштита на природните ресурси.

На видеото подолу, можете накусо да се запознаете со целите на Швајцарската програма за поддршка на земјава во периодот 2021 – 2024 година.

https://www.facebook.com/SwissEmbassySkopje/videos/1162124394241779

За проектот

Зајакнувањето на општинските совети е проект кој има за цел да ја зголеми транспарентноста и отчетноста на локалната власт преку поддржување на општинските совети при вршење на нивната функција, посебно во однос на надгледување на локалниот буџет. Проектот ќе ги поддржи општините во постигнувањето на поголема отвореност и инклузивност, со што ќе се помогне во градењето на јавната доверба во локалните институции.