Категорија: Uncategorised

Денес и утре во Струмица и Велес продолжува спроведувањето на Програмата за развој на капацитетите на општинските советници. Низ обуки кои ќе ги спроведе тим од експерти, советниците од општините Валандово и Струмица ќе ги подобрат своите вештини во управувањето со обврски, набавки и приходи во локалната самоуправа, додека пак советниците од општините Велес и Свети Николе ќе имаат можност да ги продлабочат своите познавања за процесот на буџетирање во единиците на локалната самоуправа.

Покрај овие, програмата вклучува и обуки на други теми од јавниот финансиски менаџмент, просторното и урбано планирање, но и на теми поврзани со меѓуопштинската соработка и родовата рамноправност на локално ниво.

Целта на програмата е да ја зајакне улогата на општинските советници во локалната демократија, преку тренинг обуки на вкупно 11 теми кои произлегуваат од нивните законски надлежности.

Обуките се дел од проектот на Швајцарската агенција за развој и соработка „Зајакнување на општинските совети” со вкупна вредност од 3.4 милиони швајцарски франци кој што се спроведува од страна на Програмата за развој на Обединетите нации (УНДП) во соработка со национални и локални партнери.

Во наредните две години, овој проект ќе вклучи дополнителни 18 општини кои ќе бидат избрани низ јавни повици.

Покрај обуките наменети за советниците, вкупно 1.2 милиони швајцарски франци се резервирани за мали грантови наменети за реализација на приоритетни иницијативи во сите 24 општини кои ќе учествуваат во проектот.

Денес и утре во Струмица продолжува спроведувањето на Програмата за развој на капацитетите на општинските советници од општините Валандово и Струмица. Обуката која ќе се спроведе за советниците од овие општини е на тема „Процес на буџетирање во единиците на локалната самоуправа“, а во наредните недели истата ќе се спроведе и за советниците од општините Свети Николе, Велес, Чаир и Охрид.

Покрај оваа, програмата вклучува и обуки на други теми од јавниот финансиски менаџмент, просторното и урбано планирање, но и на теми поврзани со меѓуопштинската соработка и родовата рамноправност на локално ниво.

Целта на програмата е да ја зајакне улогата на општинските советници во локалната демократија, преку тренинг обуки на вкупно 11 теми кои произлегуваат од нивните законски надлежности.

Обуките се дел од проектот на Швајцарската агенција за развој и соработка „Зајакнување на општинските совети” со вкупна вредност од 3.4 милиони швајцарски франци кој што се спроведува од страна на Програмата за развој на Обединетите нации (УНДП) во соработка со национални и локални партнери.

Во наредните две години, овој проект ќе вклучи дополнителни 18 општини кои ќе бидат избрани низ јавни повици.

Покрај обуките наменети за советниците, вкупно 1.2 милиони швајцарски франци се резервирани за мали грантови наменети за реализација на приоритетни иницијативи во сите 24 општини кои ќе учествуваат во проектот.

Денес во Струмица започна спроведувањето на Програмата за развој на капацитетите на општинските советници од општините Валандово, Велес, Охрид, Свети Николе, Струмица и Чаир.

Преку тренинг обуки на вкупно 11 теми кои произлегуваат од нивните законски надлежности, целта на програмата е да ја зајакне улогата на општинските советници во локалната демократија.

Покрај денешната воведна обука, програмата вклучува и обуки на теми од јавниот финансиски менаџмент, просторното и урбано планирање, но и на теми поврзани со меѓуопштинската соработка и родовата рамноправност на локално ниво.

Обуките се дел од проектот на Швајцарската агенција за развој и соработка “Зајакнување на општинските совети” со вкупна вредност од 3.4 милиони швајцарски франци кој што се спроведува од страна на Програмата за развој на Обединетите нации (УНДП) во соработка со национални и локални партнери.

Во наредните две години, овој проект ќе вклучи дополнителни 18 општини кои ќе бидат избрани низ јавни повици.

Покрај обуките наменети за советниците, вкупно 1.2 милиони швајцарски франци се резервирани за мали грантови наменети за реализација на приоритетни иницијативи во сите 24 општини кои ќе учествуваат во проектот.

Во рамките на програмата за зајакнување на општинските совети, Програмата за развој на Обединетите нации (УНДП), на 9 февруари 2018 година, потпиша меморандум за соработка со шест општини, Валандово, Велес, Охрид, Свети Николе, Струмица и Чаир. Советници од шесте избрани општини ќе добијат обука и поддршка со цел да овозможат буџетите на општината да се планираат и трошат во насока на очекувањата на жителите, а за таа цел ќе добијат и грантови во висина од 50.000 швајцарски франци.

На свеченото потпишување присуствуваа амбасадорката на Швајцарија, Сибил Сутер Техада, министерот за локална самоуправа, Сухејл Фазлиу, министерот за финансии, Драган Тевдовски и Постојаниот претставник на УНДП, Луиза Винтон.

„Овој проект е значаен затоа што за прв пат е посветено внимание на советите на општините, органи кои имаат исклучителна улога како контролен механизам на работата на градоначалниците, но и за развој на демократијата преку претставување на граѓанските интереси“, изјави Сухејл Фазлиу, министер за локална самоуправа. „Локалната демократија е услов за градење демократско општество“.

Проектот, вреден 3,4 милиони швајцарски франци, е финансиран од Швајцарската агенција за развој и соработка и е имплементирана од УНДП во партнерство со Министерството за локална самоуправа, Министерството во финансии, Здружението на единиците на локалната самоуправа, Здружение на финансиски работници и сестринската агенција UN Women.

„Традиционално, овде, градоначалникот е лицето на локалната демократија“, рече Постојаниот претставник на УНДП, Луиза Винтон. „Наша цел е да им помогнеме на општинските совети да станат посилен партнер, да осигураат секој денар од локалниот буџет да биде потрошен на вистинските потреби на жителите на општината. Ова е суштината на Целите за одржлив развој, кои не обврзуваат да градиме ефикасни, одговорни институции на сите нивоа“.

„Швајцарија е многу задоволна од партнерството со УНДП во напорите да ја зајакне улогата на општинските совети и да им овозможи на советниците соодветна обука, можности за соработка и професионална размена, на национално и меѓународно ниво“, изјави амбасадорката на Швајцарија, Сибил Сутер Техада.

Првите шест општини се избрани во подготвителната фаза на проектот во 2016 и 2017 година. При изборот се запазени неколку критериуми, да има урбани и рурални општини, мали и големи, такви што немаат финансиски проблеми и такви што имаат финансиски тешкотии. Преку серија повици, во 2019 и 2020 година ќе бидат избрани уште 18 општини кои ќе влезат во оваа програма. Од целокупниот буџет на проектот, вкупно 1.2 милиони швајцарски франци се резервирани за мали грантови наменети за 24-ите општини за реализација на приоритетни иницијативи за заедницата.

„Oвој проект ќе придонесе кон промена на начинот на работење на општините“, рече министерот за финансии Драган Тевдовски. „Преку зајакнување на комуникацијата меѓу членовите на советот и граѓаните, потребите и проблемите во општината ќе бидат појасни и повидливи. Ова значително ќе придонесе во подобрување на работата и навремено и соодветно решавање на проблемите“.

Повеќе од 70 новоизбрани претседатели на општинските совети учествуваа на форумот „Зајакнување на општинските совети: Нов почеток за локалната демократија” што се одржа на 12 и 13 декември во Струга. Целта на овој форум, организиран од Програмата за развој на Обединетите нации (УНДП) со поддршка од Швајцарската агенција за развој и соработка, беше да поттикне дискусија кај претседателите на советите за приоритетите и потребите уште од самиот почеток на нивниот мандат.

На локалните избори одржани во октомври 2017 г. во најголем дел од општините, избрани се нови градоначалници и општински совети со нови општински советници, и речиси за сите ова е прв пат да се најдат во оваа улога. Ваквите промени наметнуваат предизвици, но и можности на локално ниво.

Новоизбраните претставници треба да ја разберат сопствената одговорност кон нивните избирачи и поради тоа треба да развиваат нови вештини кои ќе им помогнат во исполнување на својата улога, особено во однос на пренесувањето на приоритетите на граѓаните при донесувањето на општинскиот буџет. Фактот што се нови на оваа позиција, им дава шанса да донесат свеж дух во општинските совети и да осигураат дека ќе станат поефективни во претставувањето на граѓанските приоритети и исполнување на нивната улога на надзор.

„Овој проект доаѓа во вистинско време“ истакна Mинистерот за локална самоуправа Сухејл Фазлиу. Тој понатаму дополни дека „членовите на советите ја имаат најголемата одговорност кон граѓаните бидејќи тие се оние кои одлучуваат за донесувањето на буџетот но и за трошењето на јавните пари, за деталните урбанистички планови, за цените на услугите, за работењето на јавните претпријатија во општината, на градинките и на училиштата”.

Проектот „Зајакнување на општинските совети“ ќе се спроведува од страна на УНДП во наредните четири години со финансиска поддршка од 3.36 милиони долари обезбедени од Швајцарската агенција за развој и соработка. Ова е првиот проект во земјата со специфичен фокус на општинските совети – кои се едни од столбовите на демократијата на локално ниво.

„Традиционалното лице на локалната демократија е лицето на градоначалникот, а општинските совети обично имаат попасивна улога”, изјави Постојаниот преставник на УНДП Луиза Винтон. „Нашата цел е за членовите на советите да обезбедиме совети, алатки и обука за да станат посилни партнери, особено во пренесувањето на приоритетите на граѓаните во општинските буџети, но и во мониторирањето на начинот на кој што се трошат општинските средства за да се осигура дека секој денар ќе се потроши умно, ефикасно и транспарентно.”

„Овој проект е од големо значење за Швајцарија како донатор и за УНДП како имплементатор на проектот”, изјави Швајцарската амбасадорка Сибил Сутер Техада. „Заеднички ќе работиме на зголемување на ефективноста и автономноста на општинските совети, за да може поуспешно да ги исполнуваат нивните уставно зададени улоги на законодавно тело, надзор и застапување при сите фази од буџетскиот циклус.”

Како мотивација за учество во проектните активности, проектот ќе обезбеди грантови за проекти на заедниците во износ од 50,000 УСД за 24 општини во наредните четири години.

На форумот во Струга исто така учествуваа и претставници од Министерството за локална самоуправа, Министерството за финансии, Заедницата на единиците за локална самоуправа (ЗЕЛС) и Здружениието на финансиски работници (ЗФР).

Здружението на финансиски работници на локалната самоуправа и јавни претпријатија – Велес (ЗФР), учествува во спроведување на активности утврдени во проектот „Зајакнување на општинските совети – фаза на имплементација (Empowering Municipal Councils – Implementation Phase)“, финансиран од страна на Швајцарска агенција за развој и соработка (SDC), Швајцарска амбасада и интегрално спроведуван од Програмата за развој на Обединетите нации УНДП – канцеларија Скопје. Главната цел на овој проект е да се зајакнат и поддржат советите на единиците на локалната самоуправа и да станат поефикасни и независни тела за подобра примена на нивната улога на надзор и застапување, со што ќе се овозможи локалната самоуправа да ја подобри отчетноста и ефективноста во исполнувањето на потребите на граѓаните.

За спроведување на дел од проектните активности ЗФР има потреба од ангажирање на десет обучувачи – поранешни членови на општински совети, кои во моментов се членови на општински совети или во претходните мандати биле членови на општински совети, а нема да бидат избрани како членови на општински совети на претстојните локални избори. Овие лица ќе треба да дадат практичен инпут во еден од следните области/модули:

• М1: Улогата на општинските совети во доброто управување,
• М2: Усвојување на буџетот,
• М3: Управување со обврски (и долгови), набавки и приходи,
• М4: Финансиски извештаи за ЕЛС и нивна анализа,
• М5: Финансиска контрола и ревизија,
• М6: Управување со човечки ресурси во ЕЛС;
• М7: Примена на иновативни пристапи за работа на општинските совети;
• М8: Родови прашања;
• М9: Меѓуетнички односи;
• М10: Меѓуопштинска соработка; и
• М11: Просторно и урбано планирање.

Детално објаснувања на работната задача, односно деталниот опис на работната задача со информации за потребните квалификации и критериуми за избор може да се најдат во Објаснувањето приложено подолу.

Доколку сте заинтересирани, Ве молиме да доставите кратко мотивациско писмо и Вашата ажурирана биографија со фотографија, информација за модулот/областа на која аплицираат и референта листа за ангажман на слични проекти и детали за контакт од клиенти не подоцна од 25 август 2017 г. (петок), на следнава имејл адреса: zfr.veles@gmail.com

Во рамките на проектот „Зајакнување на општинските совети“, на 14 јуни (среда), во хотелот Арка во Скопје, се оддржa работилница на која беше презентирана нацрт верзијата од Компаративната студија за улогата на општинските совети подготвена од меѓународниот експерт, г-ѓа Антонела Валморбида.

На работилницата свое учество земаа претставници од Министерството за финансии, Министерството за локална самоуправа, Заедницата на единиците на локалната самоуправа на Република Македонија – ЗЕЛС, Здружението на финансиски работници на локалната самоуправа и јавни претпријатија – ЗФР, општинските совети и општинската администрација, невладините организации и академската заедница.

Низ плодна и квалитетна дискусија, презентираната нацрт верзија од студијата им овозможи на учесниците да ги изразат своите мислења и ставови во однос на нејзината содржина, да разговараат за главните предизвици, но и да ги споделат своите идеи за подобрување на улогата и надлежностите на општинските совети кај нас, со цел истите да бидат искористени при подготовката на финалната верзија од Компаративната студија за улогата на општинските совети.

Истовремено, учесниците имаа можност подобро да се запознаат со искуствата на другите земји-членки на Европската Унија, земјите од поширокиот регион на Југоисточна Европа, како и соседните земји во однос на нивните институционални рамки и практики поврзани со улогата и надлежностите на општинските совети.

Студијата, која претставува прва сеопфатна анализа за улогата на општинските совети во нашата земја, има цел да ја подобри ефикасноста на општинските совети при реализацијата на своите надлежности во однос на јавниот финансиски менаџмент и да ја зајакне нивната улога во остварувањето на принципот на добро управување на локално ниво.

Во рамките на проектот „Зајакнување на општинските совети“, на ден 14 јуни (среда), во хотелот Арка во Скопје, ќе се оддржи Работилницата за подготовка на Компаративната студија за улогата на општинските совети.

Целта на настанот е да обезбеди форум за релевантните засегнати страни да разговараат за нацрт студијата подготвена од страна на меѓународниот експерт, како и да им овоможи да ги искажат своите искуства, да разговараат за главните предизвици и да ги споделат своите идеи за подобрување на улогата и надлежностите на општинските совети во нашата држава, со цел истите да бидат искористени при подготовката на финалната верзија од Компаративната студија за улогата на општинските совети.

Денеска пред советниците на општините беше промовиран новиот проект “Зајакнување на општинските совети”, финансиран од Швајцарската агенција за развој и соработка.

Во наредните четири години, проектот во вредност од 3,4 милиони швајцарски франци ќе биде ипмлементиран од Програмата за развој на Обединетите нации (УНДП), во соработка со Министерството за локална самоуправа и Заедницата на единиците на локалната самоуправа (ЗЕЛС).

Целта на овој проект е поддршка на системот на одговорна и транспарентна локална власт во која демократски избраните претставници ефективно работат заедно, за дефинирање на развојните приоритети во согласност со потребите на граѓаните.

Во своето воведно обраќање, министерката за локална самоуправа, Ширет Елези, рече дека зајакнувањето на капацитетите на советите ќе го унапреди процесот на транспарентно и инклузивно донесување одлуки, што е услов за обезбедување на оддржлив развој на локалните заедници.

“Работата на Советите е огледало на успешноста на процесот на децентрализација но и на демократскиот капацитет за решавање на прашањата од интерес на граѓаните” – изјави министерката Елези.

Швајцарската амбасадорка, Сибил Сутер Техада, потенцираше дека со овој проект продолжува активната поддршка на процесот на децентрализација.

“Со овој проект сакаме да ги поддржиме општинските совети да станат подобри во извршувањето на нивната претставничка и контролна улога. Поголема транспарентност и отчетност ќе создаде подобри услови за бизнис и поодржлива иднина за сите граѓани.” – изјави амбасадорката Техада.

Постојаниот претставник на УНДП, Луиза Винтон, изјави дека овој проект претставува продолжување на долгорочната поддршка што УНДП ја дава на процесот на децентрализација и на создавање на силни локални и регионални институции.

“Проектот е инспириран од фундаменталниот демократски принцип дека државата и нејзините институции треба да бидат отчетни пред граѓаните.”

Претседателот на Комитетот на совети, Трајче Донев, изјави дека зајакнувањето на капацитетите ќе се спроведува со традиционални и иновативни методологии.

“Проектот ќе овозможи техничка помош за вмрежување на советниците околу заедничките интереси за подобрување на условите за работа и целосно остварување на позицијата на советите во системот на локална самоуправа” – изјави Донев.

Сите 24 општини кои ќе бидат дел од проектот на Швајцарската агенција за развој и соработка ќе бидат опфатени со трите компоненти на зајакнувањето на капацитетите на советниците.
Целта на оваа компонента е да се подобри транспарентноста и одговорноста на сите општински тела и учеството на граѓаните во одредувањето на приоритетите на локалните буџетски тела.
Грантовите ќе бидат искористени за поттикнување на општините на мерлив начин да ги подобрат односите на советот со граѓаните и извршните општински тела.
За да добијат грантови, сите општински тела ќе мора да работат за создавање услови за ефективно учество на граѓаните во општинските програми и подготовка на буџетот.
Темелот на оваа компонента за зајакнување на советите ќе буде успешната програма на Швајцарската агенција за соработка и развој “Форуми во заедницата”, која беше воведена како механизам за обезбедување на учеството на граѓаните во процесот на носење одлуки во повеќе од 2/3 од општините во Македонија. Врз основа на постоечките структури и методологијата развиени од швајцарската агенција ќе бидат распоредувани грантовите, за проекти кои советниците и граѓаните заеднички ќе ги дефинираат како приоритетни.
Со програмата за финансиска поддршка, избраните општини ќе добијат средства во максимален износ од 50.000 швајцарски франци, за најмногу три проекти во секоја општина. Вкупно ќе бидат распоредени еден милион и двесте илјади швајцарски франци за 24 општини во текот на траењето на проектот.
Иако конкретните проекти кои ќе бидат финансирани ќе бидат одредени по консултациите меѓу советниците, локалната администрација и жителите на општините, тие ќе треба да ги адресираат приоритетите на граѓаните како и трансверзалните теми на родовата рамноправност, доброто владеење, социјалната вклученост и меѓуетничка соработка.
За да се обезбеди соодветното распределување на средствата, ќе бидат применети повеќе контролни механизми како што се: трансфер на средства врз основа на напредок, ненајавени проверки а ќе се спроведува и детален и прецизен мониторинг на целиот процес.
Секој одобрен проект ќе треба да исполни повеќе критериуми, како што се: воспоставувањето партнерство меѓу организациите и граѓаните; остварување видливи, практични и мерливи резултати; да биде одржлив и да продолжи да функционира и по крајот на проектот; да содржи значајно и пошироко општествено влијание за прашања важни за маргинализираните групи; да ги адресира подеднакво потребите на мажите, жените, различните етнички групи и да го поддржи нивното учество во спроведувањето на проектот.
Пример за вакви проекти се: центри за грижа за бездомниците; подобрувања на училишната инфраструктура прилагодени на децата со телесна попреченост; инклузивни младински центри и мулти-културни активности за младите; засолништа и центри за грижа за жртвите на родово базирано и домашно насилство ; програми за социјална заштита на деца и млади кои злоупотребуваат дрогa; социјално домување за деца без родители; луѓе со телесна попреченост, роми и останати; градинки и објекти за деца од предучилишна возраст, особено во руралните средини.