Во текот на подготвителната фаза на проектот Зајакнување на општинските совети беше создадена сеопфатна програма за зајакнување на капацитетите на советниците со цел да се адресираат клучните недостатоци кои беа идентификувани.
Пред сe, станува збор за програма која ќе се фокусира на унапредувањето на знаењето во однос на буџетското и финансиското работење на општините.
За да се адресира овој проблем на соодветен начин, проектниот тим на УНДП изготви програма за зајакнување на капацитетите со 11 модули за обука:
M1: Улогата на општинските совети во доброто управување
М2: Носење на буџетот
М3: Управување со обврски,набавки и приходи
М4: Финансиски извештаи на единиците за локална самоуправа и нивна
анализа
М5: Финансиска контрола и ревизија
М6: Менаџмент на човечките ресурси во единиците на локална
самоуправа
М7: Примена на иновативни пристапи во работата на општинските
совети
М8: Проблемите на родовата еднаквост
М9: Mеѓуетнички односи
М10:Meѓуопштинка соработка
М11:Просторно и урбано планирање
Резимеата и прирачниците за модулите М1-М7 беа создадени во текот на подготвителната фаза на проектот и се составен дел од програмата за зајакнување на капацитетите, додека упатствата и прирачниците за модулите М8-М11 ќе бидат подготвени во текот на првите 6 месеци од фазата на имплементација.
Календарот на обука предвидува три и пол месечна обука во “училници” (од Мај до средината на Јули и Септември) и двомесечна фаза на “учење преку работа (постапки)” под менторство на едукаторите, во текот на месеците Октомври и Ноември, со цел периодот на консултации со јавноста за приоритетите да се совпадне со периодот на подготовка и усвојување на буџетот на општините, со што практично ќе се покаже стекнатото знаење и вештините.
